Nýr og sameinaður vefur um lífeyrismál
Landssamtök lífeyrissjóða hafa opnað vefinn lifeyrismal.is þar sem er að finna margvíslegt kynningarefni og upplýsingar um lífeyrismál, lífeyrisréttindi, starfsemi lífeyrissjóða og ótal margt sem tengist lífeyriskerfi landsmanna beint eða óbeint.
Jafnframt hefur verið opnuð samnefnd Fésbókarsíða, Lífeyrismál.is.
Nýi vefurinn, lifeyrismal.is, sameinar undir einum hatti efnisþætti sem áður voru á fjórum vefsíðum eða heimasíðu Landssamtaka lífeyrissjóða, ll.is og heimasíðum Gott að vita, Lífeyrisgáttin og Vefflugan.
Með því að samþætta alla þessa þræði og fleiri til á einum stað er stuðlað að því að gera upplýsingamiðlun um lífeyrismál einfalda, markvissa, aðgengilega og skilvirka.
Þá eru einnig birtar á nýja vefnum upplýsingar um lífeyrismál á ensku og pólsku með hagsmuni þeirra í huga sem eru af erlendu bergi brotnir og starfa á íslenskum vinnumarkaði.
Til baka